సాక్ష్యం ట్రైల‌ర్.. ఏదో ఉంది..!

సినిమా సినిమాకు త‌న బ‌డ్జెట్ రేంజ్ పెంచుకుంటూ వెళ్తున్నాడు బెల్లంకొండ శ్రీ‌నివాస్. ఇప్ప‌టి వ‌ర‌కు హీరోగా విజ‌యం అందుకోలేదు కానీ ప్రేక్ష‌కుల్లో గుర్తింపు మాత్రం సంపాదించుకున్నాడు. ఇప్పుడు కాక‌పోతే రేపు అన్న‌ట్లు ఈ హీరో సినిమాలు భారీగా వ‌స్తున్నాయి. ఇప్పుడు కూడా ఈయ‌న న‌టిస్తోన్న సాక్ష్యం భారీ బ‌డ్జెట్ తో వ‌స్తుంది. తాజాగా ఈ చిత్ర ట్రైల‌ర్ విడుద‌లైంది. ఈ సినిమాలో పూజాహెగ్డేతో రొమాన్స్ చేస్తున్నాడు బెల్లంకొండ‌. శ్రీ‌వాస్ తెర‌కెక్కిస్తోన్న ఈ చిత్రంపై భారీ ఆశ‌లే పెట్టుకున్నాడు బెల్లంకొండ‌. తాజాగా విడుద‌లైన ట్రైల‌ర్ చూస్తుంటే సినిమా ఎలా ఉంటుందో క్లారిటీ వ‌చ్చేస్తుంది. విజువ‌ల్ వండ‌ర్ గా ఈ చిత్రాన్ని తెర‌కెక్కిస్తున్నాడు శ్రీ‌వాస్. త‌న కుటుంబాన్ని నాశ‌నం చేసిన విల‌న్స్ పై ప‌గ తీర్చుకునే ఓ కుర్రాడి క‌థే ఇది. ఇందులో మీనా హీరో త‌ల్లిగా న‌టిస్తుండ‌టం విశేషం. శ‌రత్ కుమార్, జ‌గ‌ప‌తిబాబు, ర‌వికిష‌న్ లాంటి స్టార్ క్యాస్ట్ ఈ చిత్రంలో ఉన్నారు.

అభిషేక్ నామా ఈ చిత్రాన్ని భారీ బ‌డ్జెట్ తో నిర్మిస్తున్నారు. పేరుకు అభిషేక్ క‌నిపిస్తున్నా.. తెర‌వెన‌క మాత్రం బెల్లంకొండ సురేష్ హ‌స్తం ఉంద‌ని తెలుస్తుంది. త‌న‌యున్ని స్టార్ గా నిల‌బెట్ట‌డానికి ప్ర‌తీ సినిమాను కూడా భారీ బ‌డ్జెట్ తోనే నిర్మిస్తున్నాడు ఈ నిర్మాత‌. ఎలాగైనా త‌న వార‌సున్ని స్టార్ హీరోను చేసి త‌న ఉనికిని చాటుకోవాల‌ని చూస్తున్నాడు బెల్లంకొండ సురేష్. సాక్ష్యం సినిమాపై కూడా అంచ‌నాలు భారీగానే ఉన్నాయి. ఈ క‌థ‌లో హీరోకు పంచ‌భూతాలే సాక్ష్యంగా నిల‌బ‌డ‌తాయి. అదే ఆయ‌న‌కు బ‌లం కూడా. ట్రైల‌ర్ లోనూ ఇదే హైలైట్ చేసాడు. ఫిదా ఫేమ్ శ‌క్తికాంత్ కార్తిక్ ఈ చిత్రానికి సంగీతం అందిస్తున్నాడు. మొత్తానికి ఇప్ప‌టి వ‌ర‌కు హీరోగా గుర్తింపు అయితే తెచ్చుకున్నాడు కానీ తొలి విజ‌యం మాత్రం అంద‌లేదు ఈ కుర్ర హీరోకు. జూలై 27న విడుద‌ల కానుంది సాక్ష్యం.