హ‌రీష్ శంక‌ర్‌కి బిగ్ జోల్ట్‌

మెగా డైరెక్ట‌ర్ హ‌రీష్ శంక‌ర్‌కి బిగ్ జోల్ట్ త‌గిలిందా? అంటే అవున‌నే తాజా స‌న్నివేశం చెబుతోంది. వాస్త‌వానికి గ‌త కొంత‌కాలంగా హ‌రీష్‌కి బ్యాడ్ టైమ్ ర‌న్ అవుతోంది. అనుకున్న‌ది ఏదీ వెంట‌నే అవ్వ‌డం లేదు. ఇదివ‌ర‌కూ ఓ మ‌ల్టీస్టార‌ర్ క‌థ‌ను రెడీ చేసుకుని నిర్మాత దిల్‌రాజు వ‌ద్ద ఓకే చేయించుకున్నా.. ఈ సినిమాకి హీరోలు సెట్ కాక‌పోవ‌డం చ‌ర్చ‌కొచ్చింది. హ‌రీష్‌పై సాఫ్ట్ కార్న‌ర్ ఉన్న నితిన్ ఈ చిత్రంలో న‌టించేందుకు అంగీక‌రించినా.. వేరే హీరో పాత్ర‌కు ఇత‌ర హీరోల్ని సంప్ర‌దిస్తే ఎవ‌రూ క‌న్ఫామ్ కాక‌పోవ‌డంపైనా చ‌ర్చ సాగింది.

ఇదిలా ఉండ‌గానే హ‌రీష్‌కి మ‌రో జోల్ట్ త‌గిలింది. త‌న సినిమా చేస్తాడు అనుకున్న‌ నితిన్ మ‌రో కొత్త ద‌ర్శ‌కుడికి గ్రీన్‌సిగ్న‌ల్ ఇచ్చేశాడు. `ఛ‌లో `ఫేం వెంకీ కుడుముల ద‌ర్శ‌క‌త్వంలో తెర‌కెక్క‌నున్న ఈ చిత్రానికి `భీష్మ` అనే టైటిల్‌ని ఫిక్స్ చేశారు. `శ్రీ‌నివాస క‌ళ్యాణం` త‌ర్వాత నితిన్ న‌టించే సినిమా ఇదేన‌ని చెబుతున్నారు. ఆగ‌స్టులో ప్రారంభోత్స‌వం జ‌ర‌గ‌నుంది. ఈ చిత్రంలో నితిన్ స‌ర‌స‌న అందాల మెహ్రీన్ క‌థానాయిక‌గా న‌టించ‌నుంది. సితార ఎంట‌ర్‌టైన్‌మెంట్స్ సంస్థ ఈ చిత్రాన్ని నిర్మిస్తోంది. ఆగ‌స్టు 9న శ్రీ‌నివాస‌క‌ళ్యాణం రిలీజవుతోంది కాబ‌ట్టి ఇక కొత్త సినిమాకి గ్రీన్‌సిగ్న‌ల్ ఇచ్చేశాడ‌న్న‌మాట‌. ఇటీవ‌లే `మై ఫ‌స్ట్ షో` ఓ ప్ర‌చార కార్య‌క్ర‌మంలో అడిగిన ప్ర‌శ్న‌కు హ‌రీష్ స్పందిస్తూ ఇంకా ప్రాజెక్ట్ క‌న్ఫామ్ కాలేద‌ని అన్నారు. దీన్ని బ‌ట్టి చివ‌రికి హీరోల ద‌గ్గ‌రే వ్య‌వ‌హారం సెట్ కాలేద‌ని అర్థం చేసుకోవ‌చ్చు.