బిగ్ బాస్ -3 లో హెబ్బా ప‌టేల్

Last Updated on by

బిగ్ బాస్ సీజ‌న్ -3కి స‌ర్వం సిద్ద‌మ‌వుతోంది. ఇప్ప‌టికే కింగ్ నాగార్జున హోస్ట్ గా ఖ‌రార‌య్యారు. ప్ర‌చారంలో భాగంగా ప్ర‌మోని కూడా మార్కెట్ లోకి వ‌దిలారు. ఇక కంటెస్టెంట్ డీటైల్స్ వెల్ల‌డి కావాల్సి ఉంది. ఈనెల‌లో నే షో ప్రారంభం కానుంద‌ని ప్ర‌చారం సాగుతోంది. ఈ నేప‌థ్యంలో షో పై నెగిటివ్ ప్ర‌చారం జ‌రుగుతోంది. బిగ్ బాస్ నిర్వాహ‌కులు క‌మిట్ మెంట్లు అడిగి కంటెస్టెంట్ల‌ను ఇబ్బంది పెడుతున్నార‌ని యూ ట్యూబ్ యాంక‌ర్ శ్వేతారెడ్డి ఆరోప‌ణ‌లు చేసింది. త‌న‌కి జ‌రిగిన అనుభ‌వాల‌ను ఓ ఇంట‌ర్వూలో బ‌య‌ట పెట్టింది. అయితే ఇవ‌న్ని ప్ర‌చారం కోస‌మేచేసింద‌న్న విమ‌ర్శ‌లు వినిపిస్తున్నాయి.

ఆ విష‌యం ప‌క్క‌న బెడితే బిగ్ బాస్-3కి హీరోయిన్ హెబ్బా ప‌టేల్ ఎంపికైన‌ట్లు కొద్ది సేప‌టి క్రిత‌మే ఆమె సన్నిహితుల నుంచి తెలిసింది. ఇప్ప‌టికే నిర్వాహ‌కుల నుంచి అన్నీ ఫార్మాల్టీస్ట్ పూర్తిచేసిందని..షోలో పార్టిస్పెట్ చేయ‌డ‌మే ఆల‌స్య‌మ‌ని అంటున్నారు. మ‌రి ఇందులో నిజ‌మెంత‌? అన్న‌ది తెలియాల్సి ఉంది. హెబ్బాకి ఇప్పుడు ఏ భాష‌లోనూ సినిమా అవ‌కాశాలు లేవు. 24కిస్సెస్ అనే సినిమాలో న‌టించిన త‌ర్వాత ఒక్క అవ‌కాశం కూడా రాలేదు. కెరీర్ ఆరంభంలో రాజ్ త‌రుణ్ తో క‌లిసి ఓ వెలుగు వెలిగింది గానీ! ఇప్పుడు అవ‌కాశాలే క‌రువ‌య్యాయి.

Also Watch : Anupama Is Available Even After The Shoot