రీల్ సీఎంపై కేటీఆర్ ప్ర‌శంస‌

రీల్ సీఎంని కాబోయే రియ‌ల్ సీఎం తెగ పొగిడేశారు! స‌ద‌రు మంత్రి వ‌ర్యులు ప్ర‌శంస‌ల వ‌ర్షం కురిపించారంటే న‌మ్మండి!! అస‌లింతకీ ఎవ‌రాయ‌న‌? అంటే అంత‌గా ప‌రిచ‌యం చేయాల్సిన ప‌నే లేదు. తెలంగాణ ఉద్య‌మాన్ని వేడెక్కించిన యువ‌నేత‌గా … తెలంగాణ సాధ‌కుడిగా.. ఐదుకోట్ల ఆంధ్రుల‌కు, 4కోట్ల తెలంగాణ జ‌నుల‌కు అత‌డు బాగా సుప‌రిచితం. ఆయ‌నే కేటీఆర్‌.

లేటెస్టుగా తెలంగాణ ఐటీ మంత్రి కేటీఆర్ ట్విట్ చేస్తూ `భ‌ర‌త్ అనే నేను` టీమ్‌ని ఆకాశానికెత్తేశారు.“ప‌బ్లిక్ లైఫ్‌పై మ‌హేష్ – కొర‌టాల బృందం తీసిన `భ‌ర‌త్ అనే నేను` సినిమా బాగా న‌చ్చింది. ప్ర‌జా స‌మ‌స్య‌ల‌పై తీసిన ఈ సినిమాని ప‌ర్స‌న‌ల్‌గా ఎంతో బాగా ఎంజాయ్ చేశాను“ అని పొగిడేశారు. మ‌హేష్ – కొర‌టాల‌- దాన‌య్య టీమ్ ఆహ్వానం మేర‌కు ప్రివ్యూ వీక్షించిన కేటీఆర్ ఇలా ప్ర‌శంసించడంపై అభిమానుల్లోనూ హ‌ర్షం వ్య‌క్త‌మైంది. ఈ ఆనందంలో `కేటీఆర్ అనే నేను` తెర‌కెక్కించాల్సిందిగా అభిమానులు ట్విట్ట‌ర్‌లో కోరారు. తార‌క‌రామారావు కూడా సీఎం భ‌ర‌త్‌లానే చేస్తున్నాడంటూ ఓ వీరాభిమాని ట్వీట్ చేయ‌డం ఆస‌క్తి రేకెత్తించింది. మొత్తానికి ఈ ట్వీట్లు చూశాక.. కొరటాల నిజంగానే `కేటీఆర్ అనే నేను` తీస్తే ఎలా ఉంటుంది? అన్న సంద‌హం క‌లిగింది.