లావ‌ణ్యకు ఇక చావో రేవో..?

ఎంత పెద్ద మెడిసిన్ కు అయినా ఎక్స్ పైరీ ఉంటుంది. అలాగే ఇండ‌స్ట్రీలో కూడా అంతే. ఎంత‌టి క్రేజీ హీరోయిన్ కు అయినా కూడా క‌చ్చితంగా ఎక్స్ పైరీ ఉంటుంది. ఏదో ఓ రోజు ఆమెకు కూడా అవ‌కాశాలు త‌గ్గిపోతాయి. ఇక్క‌డ వైకుంఠపాళి ఆట న‌డుస్తుంటుందంతే. ఆట తెలిసి పాము అనే ఫ్లాప్ నోట్లో ప‌డ‌కుండా హిట్ అనే నిచ్చెన ఎక్కుతూ వెళ్లిపోవాలి. ఒక్క‌సారి పాము నోట్లో ప‌డితే కింద‌కి జారిపోవాల్సిందే. ఈ ఆట తెలియ‌కే చాలా ఏళ్లుగా ఇబ్బంది ప‌డుతుంది లావ‌ణ్య త్రిపాఠి.

లావ‌ణ్య అప్పుడ‌ప్పుడూ నిచ్చెన‌లు ఎక్కుతుంది కానీ ఎక్కిన నిచ్చెన‌ల కంటే పాము నోట్లోనే ఎక్కువ‌గా ప‌డుతుంటుంది ఈ భామ‌. ఇప్పుడు మ‌రీ దారుణంగా ఆట మొద‌ట్లోనే ఉంది లావ‌ణ్య త్రిపాఠి. పాములు ఎన్నో సార్లు కాటేసిన త‌ర్వాత ఇప్పుడు చివ‌ర‌గా ఒక్క నిచ్చెన ఎక్కాల‌ని చూస్తుంది. ఆ నిచ్చెన పేరు ఇంటిలిజెంట్. సాయిధ‌రంతేజ్ సాయంతో మ‌రోసారి ఇండ‌స్ట్రీలో నిల‌బ‌డాల‌ని చూస్తుంది ఈ భామ‌. లావ‌ణ్య కెరీర్ ను సాయిధ‌రంతేజ్ ఏం చేస్తాడో..?