Mohan Babu Gayatri Movie Title Logo First Look Released

గాయ‌త్రి వ‌స్తుంది.. గెట్ రెడీ..

Mohan Babu Gayatri Movie Title Logo First Look Released

గాయ‌త్రి ఎవ‌రూ.. ఆమె వస్తే ఏంటి.. అంత ఆస‌క్తి ఎందుకు అనుకుంటున్నారా..? ఇక్కడ గాయ‌త్రి అంటే ఎవ‌రో హీరోయిన్ కాదు.. సినిమా టైటిల్. మ‌న క‌లెక్ష‌న్ కింగ్ మోహ‌న్ బాబు న‌టిస్తోన్న సినిమా పేరు ఇది. ఈ మ‌ధ్య కాలంలో మోహ‌న్ బాబు కెరీర్ స్లో అయింది. ఒక‌ప్ప‌ట్లా సినిమాలు చేయ‌డానికి ఆస‌క్తి చూపించ‌ట్లేదు ఈ సీనియ‌ర్ హీరో. న‌చ్చిన క‌థ దొరికితే కానీ మేక‌ప్ వేసుకోడానికి ఇష్ట‌ప‌డ‌ట్లేదు మోహ‌న్ బాబు. ఈ స‌మ‌యంలో మోహ‌న్ బాబు గాయ‌త్రి సినిమా చేయ‌డానికి ఒప్పుకున్నారు. అది కూడా ఒక‌ప్పుడు తాను చేసిన అసెంబ్లీ రౌడీ త‌ర‌హా స్క్రిప్ట్. ఈ విష‌యం స్వ‌యంగా క‌లెక్ష‌న్ కింగే చెప్పారు. చాలా రోజుల త‌ర్వాత తన‌కు బాగా న‌చ్చిన క‌థ ఇది అంటున్నాడు ఈ సీనియ‌ర్ హీరో.

 

Mohan Babu Vishnu 01 గాయ‌త్రి వ‌స్తుంది.. గెట్ రెడీ..

ఈ చిత్రంలో విష్ణు కూడా న‌టిస్తున్నాడు. మ‌రో విశేషం ఏంటంటే యాంక‌ర్ అన‌సూయ ఇందులో కీల‌క‌పాత్ర‌లో క‌నిపిస్తుంది. పెళ్లైన కొత్త‌లో ఫేమ్ మ‌ద‌న్ తెర‌కెక్కిస్తోన్న ఈ చిత్ర షూటింగ్ ఇప్ప‌టికే చివ‌రి ద‌శ‌కు వ‌చ్చేసింది. ఈ చిత్రంలోని తొలిపాట‌ను తిరుప‌తిలో చిత్రీక‌రించాడు. దానికోసం ప్ర‌త్యేకంగా గ‌ణేష్ విగ్ర‌హాన్ని త‌యారు చేయించడ‌మే కాదు.. ఈ పాట‌లో 1000 మంది జూనియ‌ర్ ఆర్టిస్టులు.. 400 మంది డాన్స‌ర్లు క‌నిపించారు. బాలీవుడ్ స్టార్ కొరియోగ్ర‌ఫ‌ర్ గ‌ణేష్ ఆచార్య ఈ పాట‌కు స్టెప్స్ కంపోజ్ చేసాడు. ఈ చిత్రంలో ఇంకా చాలా విశేషాలు ఉన్నాయంటున్నాడు మోహ‌న్ బాబు. ఈ రోజు అంటే న‌వంబ‌ర్ 21 రాత్రి 10 గంటల‌కు మోహన్ బాబు గారు ట్విట్టర్ ద్వారా గాయత్రి సినిమా టైటిల్ ఫ‌స్ట్ లుక్ ని విడుద‌ల చేసాడు. ఇదంతా చూస్తుంటే గాయ‌త్రి ఏదో అల్లాట‌ప్పాగా ఉన్న‌ట్లు క‌నిపించ‌ట్లేదు. ఈ సినిమా త‌న‌కు సెకండ్ ఇన్నింగ్స్ గా మారుతుంద‌ని ఆశిస్తున్నాడు మోహ‌న్ బాబు.

గాయ‌త్రి వ‌స్తుంది.. గెట్ రెడీ..
0 votes, 0.00 avg. rating (0% score)