`నోటా` న‌ష్టాలు ఎంత‌?

విజ‌య్ దేవ‌ర‌కొండ `నోటా` న‌ష్టాలు ఎంత‌? నిర్మాత జ్ఞాన‌వేల్ రాజా వేసిన స్కెచ్ పారిందా లేదా? ఇదే ప్ర‌శ్న అడిగితే పంపిణీదారు విశ్వేశ్వ‌ర‌రావు షాకిచ్చే నిజాల్ని వెల్ల‌డించారు. ఓ ప్ర‌ముఖ ఆంగ్ల ప‌త్రిక‌కు ఇచ్చిన వివ‌రాల ప్ర‌కారం..

నోటా చిత్రాన్ని కేవ‌లం 12కోట్ల బ‌డ్జెట్‌తో తెర‌కెక్కించారు. ఆ త‌ర్వాత ప‌బ్లిసిటీ వ‌గైరా వ్య‌వ‌హారాల కోసం మ‌రో 4కోట్లు అద‌నంగా ఖ‌ర్చ‌యింది. అయితే రిలీజ్ ముందే దేవ‌ర‌కొండ వ‌రుస స‌క్సెస్‌ల ట్రాక్ రికార్డు చూసి పంపిణీదారులు భారీగా ఆఫ‌ర్ చేశారు. ఏపీ – 12కోట్లు, నైజాం -4కోట్లు, సీడెడ్ – 2కోట్లు చెల్లిస్తామ‌న్నారు. కానీ జ్ఞాన‌వేల్ త‌నే సొంతంగా రిలీజ్ చేసుకోవాల‌నుకుని ఏషియన్ సునీల్ నారంగ్ – యు.వి.క్రియేషన్స్ సాయం తీసుకుని త‌ప్పు చేశార‌ని స‌ద‌రు విశ్వేశ్వ‌ర‌రావు వెల్ల‌డించారు. 18 కోట్ల ప్రీబిజినెస్ ఆఫ‌ర్‌ని వ‌దులుకుని ఇప్పుడు కోట్ల‌లో న‌ష్టం కొని తెచ్చుకుంటున్నార‌ని అన్నారాయ‌న‌. అక్టోబ‌ర్ 11న అర‌వింద స‌మేత రిలీజైతే త‌ర్వాత నోటా చూసేవాళ్లు ఉండ‌నే ఉండ‌ర‌ని అన్నారు.