ఎన్టీఆర్ అతిధిగా క‌ళ్యాణ్‌రామ్‌16

కెరీర్ ప‌రంగా రెట్టించిన ఉత్సాహంలో ఉన్నాడు క‌ళ్యాణ్‌రామ్‌. ఓవైపు నిర్మాత‌గా, మ‌రోవైపు హీరోగా వ‌రుస విజయాల‌తో దూకుడుమీదున్నాడు. సినిమా వెంట సినిమా నిర్మిస్తూ, సినిమా వెంట సినిమాలో న‌టిస్తూ ఎంతో హుషారుగా ఉన్నాడు. ఆ హుషారు, ఉత్సాహం వెన‌క త‌మ్ముడు తార‌క‌రాముని అండాదండా ఉన్న సంగ‌తి విధిత‌మే. ఇటీవ‌లే ఎంఎల్ఏ చిత్రంతో విజ‌యం అందుకున్న క‌ళ్యాణ్‌రామ్ త‌దుప‌రి, `నానువ్వే` చిత్రంతో ప్రేక్ష‌కాభిమానుల ముందుకు రానున్నాడు. ఇక లుక్ ప‌రంగానూ క‌ళ్యాణ్‌రామ్‌లోని మేకోవ‌ర్ ఇటీవ‌లి కాలంలో ట్రెండ్ సెట్ చేస్తోంది.

తాజాగా క‌ళ్యాణ్‌రామ్ కెరీర్ 16వ సినిమా అధికారికంగా ప్రారంభ‌మైంది. నేటి వేకువ ఝాము 5గంట‌ల నుంచి హైద‌రాబాద్ -రామానాయుడు స్టూడియోస్‌లో పూజా కార్య‌క్ర‌మాలు సాగాయి. ఎన్టీఆర్ ముఖ్య అతిధిగా NKR16 లాంఛ‌నంగా ప్రారంభంమైంది. దేవుని చిత్ర ప‌టాల‌పై ఎన్టీఆర్ క్లాప్ కొట్ట‌గా గుహ‌న్ ద‌ర్శ‌క‌త్వంలో ఈ సినిమా మొద‌లైంది. కార్య‌క్ర‌మంలో నంద‌మూరి హ‌రికృష్ణ‌, నంద‌మూరి రామ‌కృష్ణ‌, చిత్ర ద‌ర్శ‌కుడు గుహ‌న్ త‌దిత‌రులు పాల్గొన్నారు. నివేధ థామ‌స్‌, `అర్జున్‌రెడ్డి` ఫేం షాలిని పాండే నాయిక‌లుగా న‌టిస్తున్న ఈ చిత్రంలో ప‌లువురు సీనియ‌ర్‌న‌టీన‌టులు న‌టించ‌నున్నారు. ఈస్ట్‌కోస్ట్ ప్రొడ‌క్ష‌న్స్ సంస్థ ఈ చిత్రాన్ని నిర్మిస్తోంది.