పూరీ ఈజ్ బ్యాక్ ఇంకెవ‌రు అన‌రు

మాట‌లు నేర్చిన చిల‌క ఉస్కో అంటే డిస్కో అందంట‌. ఇప్పుడు పూరీ త‌న‌యుడు ఆకాష్ ను చూస్తుంటే ఇదే అనిపిస్తుంది. ఈయ‌న వ‌య‌సు 20 ఏళ్లే కానీ మాట‌లు మాత్రం స్టార్ హీరోల రేంజ్ ఓ ఉన్నాయి. అన్నీ నేర్చుకునే ఇండ‌స్ట్రీకి వ‌స్తున్నాడు ఆకాష్. చిన్న‌ప్ప‌ట్నుంచీ సినిమా వాతావ‌ర‌ణంలోనే పెరిగాడు కాబ‌ట్టి మాట‌ల్లో ఆ భ‌యం బెరుకు కూడా క‌నిపించ‌ట్లేదు. త‌ను అనుకున్న‌ది అనుకున్న‌ట్లుగా మాట్లాడేస్తున్నాడు. మెహ‌బూబా ప్ర‌మోష‌న్ మొద‌లైందిప్పుడు. ఇందులో భాగంగానే నా ప్రాణం పాట విడుద‌ల కార్య‌క్ర‌మంలో పూరీ జ‌గ‌న్నాథ్ గురించి కొన్ని ఆస‌క్తిక‌ర‌మైన క‌బుర్లు చెప్పాడు ఈ కుర్ర హీరో.

త‌న నాన్న హిట్లు కొట్టాడు.. ఫ్లాపులు ఇచ్చాడు.. విజ‌యాలు వ‌చ్చిన‌పుడు ఆనందించాను.. బ్యాక్ వెళ్లిన‌పుడు బాధ ప‌డ్డాను. కానీ ఈ సారి మాత్రం చాలా గ‌ర్వంగా చెబుతున్నాను.. ఎలాంటి స్టార్ స‌పోర్ట్ లేని.. ఫ్యాన్ బేస్ లేని ఓ 20 ఏళ్ల కుర్రాడితో ఆయ‌న బ్యాక్ కాబోతున్నారు. త‌న ఫామ్ ఏంటో చూపించ‌బోతున్నారు. ఈ సారి పూరీ ఈజ్ బ్యాక్ అనే మాట ఇంకెవ‌రు అన‌రు ఎందుకంటే మెహ‌బూబా త‌ర్వాత ఎప్పుడూ ఆయ‌న బ్యాక్ అవ్వ‌రు అనే న‌మ్మ‌కం నాకుంది అని చెప్పాడు ఆకాష్. ఈ కుర్రాడి మాట‌ల‌కు అక్క‌డ చ‌ప్ప‌ట్ల మోత మోగిపోయింది. ఎంతైనా ద‌ర్శ‌కుడి కొడుకు క‌దా.. మాట‌ల్లో ఆ చ‌మ‌త్కారం ఎక్క‌డికి పోతుంది..?