Ram Charan launch Sara Ali Khan - Ram Charan to launch Sara Ali Khan

వావ్.. బాలీవుడ్ హీరో కూతురితో మెగా హీరో

Ram Charan launch Sara Ali Khan

 

టాలీవుడ్ మెగా పవర్ స్టార్ రామ్ చరణ్ తేజ్ ప్రస్తుతం సుకుమార్ డైరెక్షన్లో ‘రంగస్థలం 1985’ సినిమాతో బిజీగా ఉన్న విషయం తెలిసిందే. ఈ సినిమా తర్వాత కొరటాల శివ డైరెక్షన్లో సినిమా చేయననున్నట్లు చెర్రీ మొన్నీమధ్యే ప్రకటించాడు కూడా. ఇదిలా ఉంటే, ఇప్పుడు మళ్ళీ ఎప్పటినుంచో నలుగుతున్న రామ్ చరణ్ – మణిరత్నం ప్రాజెక్ట్  చర్చలకు రావడం విశేషం. ఈ ప్రాజెక్ట్ ఓసారి ఉంటుందని, ఓసారి ఉండదని వార్తలు రాగా.. వరుస ఫ్లాపుల్లో ఉన్న మణిరత్నంతో పనిచేయడానికి చెర్రీ రెడీగా లేదని ఆ మధ్య మీడియా గట్టిగానే చెప్పింది.
కానీ, ఇప్పుడు మళ్ళీ ఈ ప్రాజెక్ట్ పట్టాలెక్కడం గ్యారెంటీ అని టాక్ వినిపిస్తుండటం గమనార్హం. ఇక ఈసారి ఏకంగా హీరోయిన్ పేరు కూడా బలంగా వినిపిస్తుండటం ప్రాధాన్యతను సంతరించుకుంది. ముఖ్యంగా ఆ హీరోయిన్ బాలీవుడ్ స్టార్ హీరో సైఫ్ అలీఖాన్ కూతురు సారా అలీ ఖాన్ అని టాక్ వినిపిస్తుండటం.. చెర్రీ సినిమాతోనే ఈ యంగ్ బ్యూటీ సినిమాల్లోకి ఎంట్రీ ఇస్తుందని చెబుతుండటం ఇంట్రెస్టింగ్ గా మారింది. ఇక ఇప్పటికే తన గ్లామర్ తో కుర్రాళ్లను పడేసిన సారా అలీ ఖాన్ ఎప్పుడు సినిమాల్లోకి వస్తుందోనని చాలామంది వెయిట్ చేస్తున్నారు.
అలాంటిది ఇప్పుడు రామ్ చరణ్ – మణిరత్నం కాంబోలో తెరకెక్కబోయే రొమాంటిక్ లవ్ స్టోరీలో మెగా హీరోతో రొమాన్స్ చేయనుందని వార్తలు వ్యాపించడంతో బీటౌన్ ఆశ్చర్యపోతుంది. మరోవైపు, తెలుగు తమిళ హిందీ భాషల్లో తెరకెక్కబోయే ఈ సినిమాకు సంబంధించి ప్రీ ప్రొడక్షన్ పనుల్లో మణిరత్నం బిజీగా ఉన్నాడని ప్రచారం జరుగుతుండటం చాలామందిని కన్ఫ్యూషన్ లో పడేస్తోంది. మన మెగా సైడ్ నుంచి ఈ ప్రాజెక్ట్ పై ఎటువంటి ఇంట్రెస్ట్ లేని పరిస్థితులు కనిపిస్తుంటే.. మరో సైడ్ ప్రీ ప్రొడక్షన్ పనులు జరుగుతున్నాయని అంటుండటం ఓ క్లారిటీ లేకుండా చేస్తోంది. మరి ఇలాంటి పరిస్థితుల్లో అసలు సైఫ్ అలీఖాన్ తన కూతురిని ఈ ప్రాజెక్ట్ వైపు వెళ్లనిస్తాడా అంటే, కొంచెం కష్టమేనని బీటౌన్ మీడియా కూడా అభిప్రాయపడుతోంది. మరి చూద్దాం ఏమవుతుందో.
వావ్.. బాలీవుడ్ హీరో కూతురితో మెగా హీరో
0 votes, 0.00 avg. rating (0% score)