చిరుకు అల్లుడు ముఖ్యం కాదట..!

తేజ్ ఐ ల‌వ్ యూ ఆడియో వేడుక‌కు చిరంజీవి వ‌స్తున్నాడని తెలియ‌గానే.. మేన‌ల్లుడి కోసం మెగాస్టార్ వ‌స్తున్నాడు.. అబ్బా ఎంత ప్రేమ అల్లుడంటే అనుకున్నారంతా. కానీ కాస్త ఆలోచించే వాళ్లు మాత్రం అక్క‌డ సీన్ మ‌రోలా ఉంద‌ని ముందే అర్థం చేసుకున్నారు. ఈ చిత్ర ఆడియో వేడుక‌కు చిరు రావ‌డానికి కార‌ణం మెగా మేన‌ల్లుడు కానే కాదు. ఆయ‌న కూడా ఓ కార‌ణం అంతే కానీ మెయిన్ రీజ‌న్ మాత్రం కేఎస్ రామారావు. అప్ప‌ట్లో ఆయ‌న నిర్మాణంలో చిరంజీవి చేసిన రాక్ష‌సుడు.. ఛాలెంజ్.. అభిలాష‌.. మ‌ర‌ణ‌మృదంగం లాంటి సినిమాలు చిరంజీవిని సుప్రీంహీరో స్థాయి నుంచి మెగాస్టార్ గా మార్చేసాయి.

ఆ కృత‌జ్ఞ‌త ఇప్ప‌టికీ చిరంజీవిలో ఉంది. అందుకే కేఎస్ రామారావు పిల‌వ‌గానే త‌న సైరా షూటింగ్ ను త్వ‌ర‌గా ముగించుకుని మ‌రీ ఈ వేడుక‌కు వ‌చ్చాడు మెగాస్టార్. అదే విష‌యం స‌భాముఖంగా కూడా చెప్పాడు చిరంజీవి. తాను ఈ వేడుక‌కు వ‌చ్చి సాయిధ‌రంతేజ్ కోసం కానేకాదు.. కేవ‌లం రామారావు కోసమంటూ మ‌న‌సులో మాట బ‌య‌ట‌పెట్టాడు చిరు. ముందు కేఎస్.. ఆ త‌ర్వాతే మేన‌ల్లుడు అంటూ నిజాల‌న్ని ఒప్పేసుకున్నాడు ఈ హీరో. మొత్తానికి ఏదేమైనా సాయిధ‌రంతేజ్ కు చిరంజీవి ల‌క్కీ. ఆయ‌న వ‌చ్చి ఆడియో విడుద‌ల చేసిన సుబ్ర‌మ‌ణ్యం ఫ‌ర్ సేల్ బాగానే ఆడింది. ఇప్పుడు ఈయ‌న ఫ్లాపుల్లో ఉన్నాడు ఇలాంటి టైమ్ లో చిరు వ‌చ్చాడు. మ‌రి తేజ్ కూడా ఆడుతుందేమో చూడాలి..!