రెజీన కికి చాకిరేవు!

కికి ఛాలెంజ్‌… వేలం వెర్రిగా యూత్ పాలో అవుతున్న డేంజ‌ర‌స్ ట్రెండ్ ఇది. వాహ‌నాలు ర‌య్‌మ‌ని దూసుకొచ్చే రోడ్ల‌పై, ఏదీ చూడ‌కుండా క‌దిలే కార్ లేదా ఏదైనా వాహ‌నం డోర్ తెరుచుకుని ర‌న్నింగ్‌లోనే ఆ మూవింగ్ వెహిక‌ల్‌తో పాటే స్టెప్పులేసి, ఆ మొత్తం వీడియోని సామాజిక మాధ్య‌మాల్లో, యూట్యూబ్‌లో పోస్ట్ చేయడం.. ఇదో లేటెస్ట్ ట్రెండ్‌గా మారింది. మొన్న‌నే అదా శ‌ర్మ ఈ త‌ర‌హా కికి చాలెంజ్‌ని స్వీక‌రించి దుమ్ము దుమారం రేపింది.

ఇదిగో ఇప్పుడు రెజీనా ఈ ఛాలెంజ్‌ని స్వీక‌రించింది. ఎర్ర‌రంగు చీర‌.. చేతికి గాజులు.. జెడ‌లో మ‌ల్లెచెండుతో రెజీనా మ‌తిచెడే గెట‌ప్పులో ర‌న్నింగ్‌ కార్‌లోంచి దిగి, ఆ కార్ వెంటే డ్యాన్సులేస్తూ చేసిన సంద‌డి మామూలుగా లేదు. ఆ స్టెప్పుల‌కు యూత్ గుండె గుల్ల‌యిపోవ‌డం ఖాయం. కుర్రాళ్ల‌యితే మ‌తి చెడి మంచమెక్కేయ‌డం షురూ. ఇదిగో ఒక‌వేళ సందేహంగా ఉంటే మీరు కూడా ఈ వీడియో వీక్షించి త‌రించండి.