శ‌ర్వా ఇంటెన్సిటీ టెర్రిఫిక్!-చ‌ర‌ణ్‌

“శర్వానంద్ లోని ఇంటెన్సిటీ నాకు చాలా ఇష్టం. మ‌రోసారి అత‌డిలో ఇంటెన్సిటీని చూడ‌బోతున్నాం. రణ‌రంగం ట్రైల‌ర్ .. సౌండ్ క‌ట్ ప్ర‌తిదీ ఆక‌ట్టుకున్నాయి. ఆగ‌స్టు 15న రిలీజ‌వుతున్న ఈ చిత్రం విజ‌యం సాధిస్తుంది“ అన్నారు రామ్ చ‌ర‌ణ్‌. శ‌ర్వానంద్, కాజల్, కళ్యాణి ప్రియదర్శి ని ల కాంబినేషన్ లో ప్రముఖ దర్శకుడు సుధీర్ వర్మ దర్శకత్వంలో, ప్రముఖ చలన చిత్ర నిర్మాణ సంస్థ సితార ఎంటర్ టైన్మెంట్స్ పతాకంపై నిర్మాత సూర్యదేవర నాగవంశీ నిర్మిస్తున్న చిత్రం `రణరంగం`. ఈ ఆగస్టు 15 న విడుదల అవుతున్న విషయం విదితమే. చిత్ర ప్రచారంలో భాగంగా `రణరంగం` సౌండ్ కట్ ట్రైలర్ శ‌ర్వా స్నేహితుడు చ‌ర‌ణ్ చేతుల‌మీదుగా విడులై ఆక‌ట్టుకుంద‌.

చ‌ర‌ణ్‌ స్పందిస్తూ…`సూపర్బ్..సౌండ్ కట్ ట్రైలర్ చాలా కొత్తగావుంది.టెర్రిఫిక్ గా ఉంది. ఈ చిత్రానికి సంబంధించిన థియేట్రికల్ ట్రైలర్ ఇటీవలే విడుదల అయింది. మళ్ళీ శర్వానంద్ ని మేము ఎలా అయితే చూడాలనుకున్నామో అలావుంది. పర్ఫెక్ట్ గా ఉంది. శర్వా లో ఉన్నది, మాకు నచ్చింది. అతనిలో ఉన్న ఇంటెన్సిటీ. అతని చిత్రాల్లో కో అంటే కోటి చిత్రం నాకిష్టం. అలాంటి ఇంటెన్సిటీతో ఉన్న చిత్రం శర్వాకు పడితే బాగుంటుంది అనుకునేవాడిని. ఇప్పుడీ రణరంగం సౌండ్ కట్ ట్రైలర్ ను చూసిన తరువాత అలాంటి చిత్రం అనిపించింది. దర్శకుడు సుధీరవర్మ ఈ చిత్రం తో తన ప్రతిభను మళ్ళీ నిరూపించుకున్నారనిపించింది. చాలా మంచి ప్లాట్ ఉన్న చిత్రం. సన్నివేశాల తాలూకు కట్స్ చాలా బాగున్నాయి. ఇంట్రస్టింగ్ గా ఉన్నాయి. బ్యాక్ గ్రౌండ్ స్కోర్ చాలా బాగుంది. టెర్రిఫిక్ గా ఉంది. ప్రశాంత్ పిళ్ళై సంగీతం బాగుండటం తో పాటు కొత్తగా ఉంది. డెఫినెట్ గా చిత్రం విజయం సాధించాలని చిత్రం యూనిట్ కు అభినందనలు తెలిపారు రామ్ చరణ్. ఈకార్యక్రమంలో చిత్ర కథానాయకుడు శర్వానంద్, నిర్మాత సూర్యదేవర నాగవంశీ పాల్గొన్నారు. పి.డి.వి.ప్రసాద్ స‌మ‌ర్ప‌ణ‌లో సూర్యదేవర నాగవంశీ నిర్మిస్తున్నారు.