సుమంత్ మ‌రో కార్తికేయ‌..

అవును.. ఇప్పుడు సుమంత్ సినిమా ఫ‌స్ట్ లుక్ చూస్తుంటే ఇదే అనిపిస్తుంది. ఈయ‌న ప్ర‌స్తుతం రెండు సినిమాల‌తో బిజీగా ఉన్నాడు. మ‌ళ్లీ రావా చిత్రం త‌ర్వాత సుమంత్ లో తెలియ‌ని కాన్ఫిడెన్స్ క‌నిపిస్తుంది. ఆ జోరులోనే వ‌ర‌స సినిమాలు చేస్తున్నాడు. ప్ర‌స్తుతం కొత్త ద‌ర్శ‌కుల‌తోనే ఎక్కువ‌గా ప‌ని చేస్తున్నాడు ఈ హీరో. అనిల్ శ్రీ‌కంఠంతో చేస్తోన్న ఇదం జ‌గ‌త్ జులైలో విడుద‌ల కానుంది. ఈ చిత్రంతో పాటే సుబ్ర‌మ‌ణ్య‌పురం అనే మ‌రో సినిమా కూడా చేస్తున్నాడు ఈ అక్కినేని అల్లుడు.

సంతోష్ జాగ‌ర్ల‌పూడి ఈ చిత్రంతో ద‌ర్శ‌కుడిగా ప‌రిచ‌యం అవుతున్నాడు. ఇది సుమంత్ కు 25వ సినిమా కావ‌డం విశేషం. ఇవ‌న్నీ ఇలా ఉంటే ఈ చిత్ర ఫ‌స్ట్ లుక్ అచ్చంగా నిఖిల్ కార్తికేయ సినిమాను పోలి ఉంది. క‌థ‌లో కూడా పోలిక‌లు క‌నిపిస్తున్నాయి. ఆ పోస్ట‌ర్.. ఈ పోస్ట‌ర్ అచ్చంగా ఒకేలా అనిపిస్తున్నాయి. పైగా కార్తికేయ కూడా పూర్తిగా సుబ్ర‌మ‌ణ్య స్వామి చుట్టూ తిరిగే క‌థే. ఇప్పుడు సుమంత్ ఏం చేస్తున్నాడో తెలియ‌దు కానీ క‌చ్చితంగా కార్తికేయ పోలిక‌లు మాత్రం బాగానే క‌నిపిస్తున్నాయి. మ‌రి చూడాలిక‌.. ఈ పోలిక‌లు పోస్ట‌ర్ వ‌ర‌కే ఉన్నాయా లేదంటే లోప‌క కంటెంట్ వ‌ర‌కు కూడా ఉన్నాయా అనేది..?