7000 స్క్రీన్లలో థ‌గ్స్ ఎటాక్‌

2018 ద్వితీయార్థంలో మోస్ట్ అవైటెడ్ సినిమాగా రిలీజ‌వుతోంది `థ‌గ్స్ ఆఫ్ హిందూస్తాన్‌`. అమీర్ ఖాన్, అమితాబ్ బచ్చ‌న్, క‌త్రిన‌, పాతిమా స‌నా షేక్ వంటి స్టార్లు న‌టించిన ఈ సినిమా పోస్ట‌ర్లు, టీజ‌ర్లు, ట్రైల‌ర్ అన్నీ జ‌నాల‌కు పిచ్చిగా న‌చ్చేశాయి. ముందే ప్ర‌క‌టించిన‌ట్టే నేడు ఈ సినిమా ప్రపంచ‌వ్యాప్తంగా అత్యంత భారీగా రిలీజైంది. ఈ సినిమాని య‌శ్‌రాజ్ ఫిలింస్ సంస్థ వ‌ర‌ల్డ్ వైడ్‌ 7000 స్క్రీన్ల‌లో రిలీజ్ చేసిందని త‌ర‌ణ్ ఆద‌ర్శ్ ట్వీట్ చేశారు.

కేవ‌లం ఇండియాలోనే 5000 స్క్రీన్ల‌(హిందీ, త‌మిళ్‌, తెలుగు)లో రిలీజ్ చేయ‌గా, ఓవ‌ర్సీస్‌లో మ‌రో 2000 స్క్రీన్ల‌లో రిలీజ్ చేశార‌ని వెల్ల‌డించారు. మొత్తానికి ఈ సినిమా ఇదివ‌ర‌కూ ఉన్న అన్ని రికార్డుల్ని బ్రేక్ చేసే ఛాన్సు ఉందా లేదా? అన్న‌ది మ‌రి కాసేప‌ట్లో రివ్యూల రూపంలో తేల‌నుంది. ఈ చిత్రంలో థ‌గ్స్ ని లీడ్ చేసేవాడిగా అమితాబ్ న‌ట‌న హైలైట్‌గా ఉండ‌నుంది. సుర‌య పాత్ర‌లో క‌త్రిన నాట్యాలు మ‌త్తెక్కించ‌నున్నాయ‌ని యూత్ అంచ‌నా వేస్తున్నారు. పాతిమా సాహ‌స‌నారిగా క‌నిపించ‌నుంది. అమీర్ ఖాన్ ఫిరంగి పాత్ర అంతే స్పెష‌ల్ అని రివీలైన విజువ‌ల్స్ చెబుతున్నాయి.