తీవ్ర ఒత్తిడిలో దేవ‌ర‌కొండ‌

యువ‌హీరో విజ‌య్ దేవ‌ర‌కొండ‌పై తీవ్ర ఒత్తిడి నెల‌కొందా? అంటే అవుననే తాజా స‌న్నివేశం చెబుతోంది. తానొక‌టి త‌లిస్తే దైవం ఇంకొక‌టి త‌ల‌చిన‌ది! అన్న చందంగా కేవ‌లం కొద్ది వారాల గ్యాప్‌లోనే అత‌డి సీన్ మారిపోయింది. ఓవైపు `గీత గోవిందం` గ్రాండ్ స‌క్సెస్‌ని ఎంజాయ్ చేస్తున్న టైమ్‌లోనే `నోటా` కొట్టిన దెబ్బ‌కు నోటి మాటే రాలేదు. ఆ క్ర‌మంలోనే దేవ‌ర‌కొండ కొంత‌కాలంగా ఎవ‌రికీ ట‌చ్‌లో లేడు. క‌నీసం మీడియా ఫోన్ నంబ‌ర్ల‌కు క‌నెక్ట్ కాలేదుట‌. నోటా చిత్రంలో పెట్టుబ‌డులు పెట్టినందునే దేవ‌ర‌కొండ‌పై తీవ్రంగా ఒత్తిడి నెల‌కొంద‌ని తెలుస్తోంది.

దీనికి తోడు అత‌డు న‌టించిన త‌దుప‌రి చిత్రం `ట్యాక్సీవాలా` పూర్తిగా ఆన్‌లైన్‌లో లీకైపోవ‌డంతో అది త‌న‌ని కంగారెత్తిస్తోంది. దానిని ఎలా బ‌య‌ట‌ప‌డేయాలో తెలియ‌ని క‌న్ఫ్యూజ‌న్‌లో ఉన్నాడు. ఈ విష‌యం ఇబ్బంది పెడుతోంద‌ని ఇదివ‌ర‌కూ దేవ‌ర‌కొండ స్వ‌యంగా అన్నాడు. కెరీర్ రిస్కులో ప‌డుతుంద‌న్న మాటా అత‌డి నోట వినిపించింది. ఇక‌పోతే మ‌రోవైపు మైత్రి సంస్థ నిర్మిస్తున్న భారీ చిత్రం `డియ‌ర్ కామ్రేడ్` పైనే అత‌డి ఆశ‌ల‌న్నీ. అటుపై మ‌ళ్లీ మ‌ళ్లీ ఇది రాని రోజు ఫేం క్రాంతి మాధ‌వ్ ద‌ర్శ‌క‌త్వంలో మెగానిర్మాత కె.ఎస్.రామారావు నిర్మిస్తున్న భారీ చిత్రంలోనూ న‌టిస్తున్నాడు. నేడు ఈ సినిమా హైద‌రాబాద్ పార్క్ హ‌య‌త్‌లో ఘ‌నంగా ప్రారంభ‌మ‌వుతోంది. అయితే జ‌యాప‌జ‌యాల్ని స‌మానంగా ఎంజాయ్ చేసేవాళ్లు, ఎదిగినా ఒదిగి ఉండే వాళ్లే ఈ రంగంలో సులువుగా ఎద‌గ‌డం సాధ్యం. మ‌రి యువ‌హీరో దేవ‌ర‌కొండ ఎప్ప‌టిలానే ఒదిగి ఉండి, ఒత్తిళ్ల‌ను దూరం పెట్టి మునుముందు ఇంకా ఇంకా దూసుకెళ‌తాడేమో చూడాలి.